VIDEO OPNAME KNIPMUTS;
Beste Hoëghede en Rv11’n, finaliste van ut LVK 2014 en alle andere vastenaovendvierders van Horst aan de Maas en umstreeke,
Vanaovend is ut zoe wiét, ut LVK 2014 steit te gebeure. En net as idder jaor belaofd ut ok dit jaor wir en fantasties fiës te waere.
Alle vreejwilligers van G.M.V. De Plaggenhouwers en de minse van L1 hebbe der biëstig vuul werk in gestopt (en nog) dus dao zal ut ni aan ligge….
De aafgelaupe waeke zien de intro filmkes met de finaliste opgenaome in alle 16 dörpe van Horst aan de Maas. As, zeg maar ‘film crew’ van de Plaggenhouwers, hebbe we dao hiél vuúl plezeer aan belaefd en we zien erg gruúts op ut eindresultaat, dat zoe vakkundig door Eric Wijnhoven, Oscar Keulen en Ivo Wijnen van L1 is gemonteerd.
De filmkes staon online. Geej kent ze zeen/downloade via:
Paul-Jean Jessen - Dree mer door! - Sittard - LVK2014
http://www.youtube.com/playlist?list=PLZylHq6T3rp7ZzUMDEM1PnBTtr1yZX_hw
Ok de “making of” is te zeen, via:
http://www.youtube.com/watch?v=Z_KkFtc2sAE&feature=share&list=PLZylHq6T3rp7ZzUMDEM1PnBTtr1yZX_hw&index=19
Rest mich nog dit te zegge.…..
‘Wae zitte de toën’ vanaovend vur meschien wal de ‘Alleraafste’ ‘Carnelaovendj’ dae dich ‘Ut geveul van gelök’ guf. En al zwierend dink-se ‘Wat enne mojjen dag’ wao-op we wir en jaor ‘Vastenaovend belaeve’ ônder ut genot van ‘Leefde Sjpass en Moeziek’. En as-se dan in de zaal steis, want ‘Dao hange de sjlingers, ’of op de buhne, dan vrug-se dich aaf ‘Is dit de hemel hei?’ Want minse…..‘Hie in Limburg is ’t Good!’ Pak vanaovend diene buurman of buurvrouw mar is lekker in de erm en ‘Zing, dans en drink’ en ‘Dree mer door’ op alle vastenaovesklanke. Laot dit geveul noeits verlaore gaon en ‘Gaef ut door!’, want dit is ut geveul van ‘Drie daag Vastelaovend’. En dan pak-se met en ‘Krejjepeuetje’ ’t letste naate bönke hiél stuntelig oét de tès, zings nag ein of anger ‘Onhendig leedje’ en rups hiél hard ‘Vastelaovend: Diech bis ’t hielemaol!’ En dan…..dan klinkt veur de allerletste kiér ‘Proost’ en zaes-se taege dien vrinde ‘Kaer mich mer d’r oet’, ut waas good…..
Allemaol hiél vuúl suukses vanaovend!!
Names GMV De Plaggenhouwers en de ‘film crew’
Hartelikke Plaggegroete,
